Sipyaya

ශ්‍රී ලංකාව මෙන්ම කර්ම කලාපීය රටවල් වල වැවෙන ඉතාමත්ම රසවත් පලතුර ඇති පැණිවරකා ඉතින් නූතන විද්‍යාඥයින් විසින් පැණි වරකා වල පිළිකා නාශක සංඝටක තිබෙන බව නූතන විද්‍යාඥයින් විසින් මේ වන විට පර්යේෂණ මගින් තහවුරු කරගෙන ඇත අද අපි කතා කරන්නේ කොහොමද මෙම සංඝටක මගින් පිළිකා වලට ප්‍රතිවිරුද්ධව ක්‍රියා කරන්නේ කෙසේද යන්න මෙම ලිපියෙන් සාකච්ඡා කරනවා

වරකා වර්ධනය වූ විට රාත්තල් 100 පමණ බරක් දරන ශාකයක වර්ධනය වන ලොව විශාලතම පළතුරයි. බංගලාදේශයේ ජාතික පළතුර වන්නේත් වරකායි. වරකා පළතුර සතුව තන්තු, පොටෑසියම්, මැග්නීසියම්, කැල්සියම්, යකඩ සහ විටමින් A, B6, C සහ ප්‍රෝටීන් වැනි විශාල පෝෂණ ගුණයක් අන්තර්ගත වනවා. වරකා මදුලු කෝප්පයක් තුල දිනකට ශරීරයට අවශ්‍ය වන විටමින් B6 25% පමණ අඩංගු වනවා. එළවළු පමණක් ආහාරයට ගන්නා පුද්ගලයෙකුට වාරකා මගින් ශරීරයට අවශ්‍ය කරන විටමින් නිසි පරිදි සපයා ගන්නට පුළුවන්.

“National Cancer Institute” විසින් සපයන තොරතුරු වලට අනුව මිනිසාට වැළදෙන පිළිකා අතරින් මහා බඩවැලේ ඇතිවන පිළිකාව සුව කිරීමට අපහසුම පිළිකාවක් වනවා. වාසනාවකට මෙන් වරකා සතු වන ඖෂධීය ගුණ ඇති මෙම සංයෝගයන් හට මෙම පිළිකාව සාර්ථකව සුව කර ශරීරාංග සවිමත් කර දීමේ හැකියාවක් තිබෙනවා.

මහාබඩවැලේ පිළිකාවසුව කිරීම
වරකා “phytonutrients, isoflavones, lignans සහ saponins” වැනි බලගතු පිළිකා මර්ධක සංයෝගයන්ගෙන් පොහොසත් වනවා. මෙම සංයෝගයන් සපිරි වරකා ආහාරයට ගැනීම මගින් ශරීරයට ඇතිවන ව්‍යාධි සමග සටන් කර පිළිකාව සහ වෙනත් රෝග සුව කිරීමක් සිදු වනවා.

Phytonutrient
ශාකමය පළතුරු තුල පමණක් අන්තර්ගත වන මෙම “Phytonutrient” සංයෝගයට පිළිකා සෛල මුල් අවදියේම විනාශ කර දැමීමේ හැකියාව තිබෙනවා. උදරයේ ඇතිවන පිළිකාව මර්ධනය සඳහා මෙම සංයෝගය වරකා සතුව ප්‍රමාණවත් පරිදි අන්තර්ගත වන අතර මෙම සංයෝගයේ පිළිකා මර්ධන හැකියාව පිළිබඳව තවමත් විද්‍යාඥයන් විසින් පර්යේෂණ සිදු කරමින් සිටිනවා.

Saponin

මහාබඩවැලේ ඇතිවන පිළිකාව සමග සටන් වැදීමට ඇති තවත් පිළිකා නාශක සංයෝගයක් තමයි “Saponin” කියන්නේ. මෙම සංයෝගය ලියුකේමියා සෛල හා සටන් වදින බවත් එක්තරා අධ්‍යයනයක් මගින් තහවුරු කර තිබෙනවා. මෙවන් පිළිකා නාශක සංයෝගයක් මගින් පිළිකා සෛල වටා බන්ධනයක් ඇතිකර පිළිකා සෛල වර්ධනය වීම වළක්වනවා.

Lignans සහ Isoflavones
මෙම සංයෝග දෙක මගිනුත් ඊස්ට්‍රෝජන් හෝමෝනය මගින් සිදු කරන ක්‍රියාවම සිදු වන බව අධ්‍යයනයන් මගින් සඳහන් කරනු ලබනවා. මේ සංයෝග දෙක මගින් ගර්භක්ෂේත්‍ර පිළිකා අවදානම අඩු කර ගත හැකි බව 2006 වසරේදී කාන්තාවන් 500 යොදා සිදු කරනු ලැබූ අධ්‍යයනයක් මගින් තහවුරු කර තිබෙනවා.

DNA සෛල ආරක්‍ෂා කරදීම
වරකා සතු ප්‍රතිඔක්සිකාරක බලයන් නිසා ශරීරයට සිදු වන රෝග කාරක හා සටන් වැද ශරීරයට ඔක්සිකාරක ආපදා ඇතිවීම වළක්වනවා. වරකා සතු වන තන්තු මගින් මහාබඩවැලේ සහ ආහාර ජීර්ණ මාර්ගයේ ඇති විෂ සහිත සංඝටක පිරිසිදු කර පිළිකා අවදානම තුරන් කරනු ලබනවා.

ප්‍රතිශක්තිකරණ පද්ධතිය සවිමත් කිරීම
වරකා සතු විටමින් C සහ සරල සීනි යන සංයෝගයන් මගින් ප්‍රතිශක්තිකරණ පද්ධතියවේගවත් කිරීමක් සිදු වනවා.

වරකා සතු පෝෂණ ගුණය සහ වරකා ඔබේ ආහාර වේලට එක්කර ගත යුතු ප්‍රධානතම හේතූන් කිහිපයක්
වරකා මදුලු කෝප්පයක් සතුව කැලරි 155, මේදය ග්‍රෑම් 4 ක්, සංතෘප්ත මේදය, කොලෙස්ටරෝල් සහ සෝඩියම් සුළු ප්‍රමාණයක් අන්තර්ගත වනවා. වරකා තුල විටමින් A, “niacin”, “riboflavin”, “thiamine” සහ“folate” වැනි සංයෝගයන් සහ අත්‍යාවශ්‍ය ඛනිජ අඩංගු වනවා. වරකා සතු සරල සීනි මුළු ශරීර සෞඛ්‍යයටම සුවදායක වනවා. දිනකට අවශ්‍ය වන තන්තු 11% පමණ වරකා මගින් ශරීරයට ලැබෙන අතර එමගින් ආහාර ජීර්ණ පද්ධතිය වර්ධනය වනවා.

අන්තර්ජාලය ඇසුරිනි

Monday, October 22, 2018

මෙම ලක්ෂණ ඔබේ ශරීරයේ දකින්නට ලැබේ නම් වහාම වතුර වැඩි වශයෙන් බොන්න

රුධිර තුල ජලය 83% ක්, පෙනහළු තුල ජලය 90% ක්, වකුගඩු සහ මාංශ පේශී තුල ජලය 73% ක් අන්තර්ගත වනවා. ශරීරය තුල අන්තර්ගත වන මෙම ජලය ප්‍රතිශතයෙන් විශාල ප්‍රමාණයක් දහඩිය දැමීම සහ මුත්‍රා පිට කිරීම නිසා දිනකටශරීරයෙන් ඉවත් වනවා. මේ ආකාරයට ශරීරයෙන් ඉවත් වන ජලය නිසි ලෙස නැවතත් ශරීරයට ලබා ගැනීම ගැන ඔබ වඩාත් සැලකිලිමත් විය යුතු වනවා.

දිනකට ජලය වීදුරු 6-8 ත් අතර ප්‍රමාණයක් පානය කිරීම සුදුසු යැයි ඔබ අසා තිබෙන්නට පුළුවන්. නමුත් බොහෝ දෙනා මෙය දිනකට ජලය වීදුරු දෙකකට සීමා කරනු ලබනවා. සාමාන්‍ය වශයෙන් පිරිමි පුද්ගලයෙක් දිනකට ජලය ලීටර තුනක් (වීදුරු දොළහක්) පානය කල යුතු අතර කාන්තාවක් දිනකට ජලය ලීටර 2.2 (වීදුරු නවයක්) පානය කල යුතු වනවා. ඔබ නිසි පරිදි ජලය පානය නොකරනවා නම් ඔබේ ශරීරයෙන් මෙවන් ලක්‍ෂණ දැක ගන්නට පුළුවන්. ඔබත් මෙම ලක්‍ෂණ දහය පිළිබඳ නිසි අවධානය යොමු කරන්න.

01. හිසරදය
ජලය නිසි ලෙස පානය නොකරන අවස්ථාවක ශරීරය විසින් උත්සහා කරනු ලබන්නේ ශරීරය තුල තිබෙන ජලය ප්‍රමාණය කෙසේ හෝ භාවිතයට ගැනීමටයි. ශරිරයට ජලය හිග අවස්ථාවක ශරීරයේ කුමන අවයවයක ජලය වුවත් භාවිතයට ගැනීමට කිසිම පැකිලීමක් ඇති වන්නේ නෑ. ඔබට නිරන්තරයෙන් හිසරදය ඇතිවනවා නම් මේ පිළිබඳ නිසි අවධානය යොමු කරන්න. නිසි පරිදි ජලය පානය කරන්න.

02. සන්ධි වේදනාව
සන්ධි චලනය වන අවස්ථාවක නිසි පරිදි ක්‍රියාත්මක වීම සඳහා ජලය ලිහිස්සි ද්‍රාවණයක් ලෙස ක්‍රියා කරනු ලබනවා. නිසි ලෙස ජලය පානය නොකිරීම මගින් සන්ධි වලට අවශ්‍ය කරන මෙම ලිහිස්සි ද්‍රාවනය නිසි ලෙස නොලැබී යනවා. එම හේතුව නිසා කාටිලේජ වලට හානි සිදුවී සන්ධි වේදනාවක් ඇති වනවා.

03. කුසගින්න සහ බර වැඩි වීම
මිනිස් ශරීරය ඉතා සංකිර්ණ යාන්ත්‍රණයක්. මිනිස් මොළයේ අන්තර්ගත වන“hypothalamus” ව්‍යූහය මගින් කුසගින්න සහ පිපාසය ශරීරයට දැනෙන්නට සලස් වනවා. ඔබටසුළු කුසගින්නක් දැනුණු අවස්ථාවක මොනයම් හෝ දෙයක් ආහාරයට ගන්නවා වෙනුවට ජලය වීදුරුවක් පානය කරන්න. (මෙය ප්‍රධාන ආහාර වේල් සඳහා සිදු කල නොහැකි ක්‍රියාවක්) එමගින් ඔබ වැඩි පුර ආහාරයට ගැනීම වළක්වා ඔබේ බරත් යම් මට්ටමකට පාලනය වේවි.

04. අඩුවෙන් මුත්‍රා පිට කිරීම
සාමාන්‍ය වශෙයෙන් පුද්ගලයෙක් දිනකට වාර 6-7 ත් අතර ප්‍රමාණයක් මුත්‍රා පිටකරනු ලබනවා. ඔබ දිනකට මෙම වාර ගණනට වඩා අඩුවෙන් මුත්‍රා පිට කරනවා නම් ඔබ විජලන තත්වයෙනුයි පසුවන්නේ. වකුගඩු මගින් විජලනය හැකිතාක් අවම කර ගැනීම සඳහා හැකි පරිදි ජලය ශරීරය තුල තැම්පත් කර ගැනීමට උත්සහා කර නිසා සාමාන්‍ය ප්‍රමාණයට වඩා මෙවන් අවස්තාවක වකුගඩු වැඩි වශයෙන් වෙහෙසෙනවා. මෙම තත්වය මගහරවා ගැනීම සඳහා ඔබ විසින් සිදු කල යුත්තේ දිනකට අවශ්‍ය කරන නිසි ජලය ප්‍රමාණය පානය කිරීමයි.

05. මුත්‍රා තද කහ පැහැති වීම
මුත්‍රා වල සාමාන්‍ය වර්ණය වන්නේ කහ පැහැයයි. ඔබේ මුත්‍රා සාමාන්‍ය කහ වර්ණයෙන් තද කහ වර්ණය ගනු ලබනවා නම් එයින් අදහස් වන්නේත් ඔබ විජලන තත්වයෙන් පසු වන බවයි. මේ තත්වය සිදු වන්නේ වකුගඩු තුල අඩු වශයෙන් තරලයන් අන්තර්ගත වීම නිසයි. මෙහිදී ශරීරය තුල අන්තර්ගත වන සුළු ජලය ප්‍රමාණය රඳවා තබා ඛනිජ වැනි ද්‍රව්‍යයන් මුත්‍රා ලෙස පිට කිරීමක් සිදු වනවා.

06. මළබද්ධය
විජලනතත්වය නිසා නිතර ඇතිවන රෝග ලක්‍ෂණයක් තමයි මළබද්ධය. පෙර සඳහන් කල ආකාරයටම ශරීරය විජලයන වූ විට ශරීරයටඅවශ්‍ය කරන ජලය ප්‍රමාණය ඕනෑම ඉන්ද්‍රියක් මගින් ලබා ගැනීමට ශරීරය ක්‍රියා කරනවා. එය මහා බඩවැලෙන් වන්නටත් පුළුවන්. මහා බඩවැල තුල ප්‍රමාණවත් ජල සාන්ද්‍රණය නොමැතිවීම නිසා ජීර්ණය නොවූ ආහාර කැබලි මහා බඩවැල හරහා පිටවීමේ දී ගැටළු ඇති වනවා.
07. අධික තෙහෙට්ටුව
අධ්‍යයනයන් අනුව කරුණු දක්වන ආකාරයට ශරීරය තුල නිසි ලෙස ජලය නොමැති වීම නිසා තෙහෙට්ටු ස්වභාවය ඇති වනවා. විජලනය තත්වය නිසා හෘදය මගින් රුධිර පොම්ප කිරීමට වැඩි වෙහෙසක් ගනු ලබනවා. මේ හේතුව නිසයි ශරීරයට තෙහෙට්ටු ස්වභාවයක් ඇති වන්නේ. ඔබ නැවත වතාවක් තෙහෙට්ටු භාවයට පත් වූ විට ඔබ පානය කරනු ලබන කෝපි කෝප්පය සහ ශක්ති ජනක පානය වෙනුවට ජලය වීදුරුවක් පානය කරන්න.

08. පිපාසය සහ වියළි මුඛය
නිතර දැනෙන පිපාසය මගිනුත් කියවෙන්නේ විජලනය පිළිබඳවයි. අධික පිපාසයට අමතරව නිතරම වාගේ ඔබේ මුඛය වියළි ස්වභාවයක් ගනු ලබනවා නම් ඔබ වහාම ජලය පානය කරන්න.

09. ප්‍රතිශක්තිකරණ පද්ධතිය දුර්වලවීම
විජලනය මගින් ප්‍රතිශක්තිකරණය දුර්වල කර රුධිරයේ අඩංගු වන විෂ සහිත සංඝටකයන් ප්‍රමාණය වැඩි කරනු ලබනවා. ඔබ නිසි පරිදි ජලය පානය කරනවා නම් මෙම විෂ සහිත සංඝටකයන් ඉවත් කර ආසාත්මිකතාවයන් සඳහා සටන් වැදීමට ප්‍රතිශක්තිකරණ පද්ධතිය නැවත වර්ධනය කර ගන්නට පුළුවන්.

10. සම වියළීම සහ රැළි වැටීම
ශරීරය තුල ජලය හිගවීම නිසා සම වියළීම සහ සමෙහි රැළි ඇතිවීම ආරම්භ වනවා. (මෙම තත්වය ඇති වන එකම හේතුව මෙය නොවෙයි) නමුත් ඔබ මෙම තත්වයට මුහුණ දෙන අයෙක් නම් විවිධ ප්‍රතිකාර ක්‍රම සඳහා යොමු වීමට පෙර ප්‍රමාණවත් ලෙස ජලය පානය කර එමගින් යම් සහනයක් සැලසෙනවා දැයි විමසිලිමත් වන්න. ශරීරයේ ජලය හිගවීම නිසා සමේ දැවිල්ල වැනි තත්වයන් ඇතිවීම, සම කැසීම සහ සමේ සංවේදීතාවය අඩුවීම වැනි විවිධ තත්වයන් ඇති වන බව චර්ම රෝග විශේෂඥයෙක් වන “Diana Howard” මහතා පවසනවා. සමේ නිසි තෙතමනය දුරු වූ විට සම අකලට වියපත් වූ ස්වරූපයක් ඇති වනවා. සම නැවතත් නිසි ලෙස පෝෂණය කිරීමට නම් නිසි ලෙස ජලය පානය කිරීම අනිවාර්යයි.

දියවැඩියාව ලිංගිකත්වයට බලපාන්නේ කෙසේද

දියවැඩියාව ලිංගිකත්ව ලිංගිකත්වයට බලපාන්නේ කෙසේද දියවැඩියාව හා ලිංගිකත්වයේ අතර යම් වෙනසක් තිබේද යන්න මෙම ලිපිය තුලින් සාකච්ඡා කිරීමට බලාපොරොත්තු වෙනවා

දියවැඩියාව ඇතිවීම නිසා ශාරීරික මෙන්ම ලිංගික සෞඛ්‍යයටත් බලපෑම් ඇති වන බව ඔබ දැන සිටියාද?
දියවැඩියාව මගින් ලිංගික ජීවිතයට ඇති කරනු ලබන බලපෑම ශාරීරික වශයෙන්ම ඇතිවන අතුරු ආභාදයක්ම නොවෙයි. දියවැඩියා රෝගය පුද්ගලයෙකුගේ මානසික සෞඛ්‍යය බිඳ වැට්ටවීම සඳහාත් සමත් වනවා.

දියවැඩියා රෝගය ලිංගික අවයව වලට බලපෑම් ඇති කරන්නේ කෙසේද ?
දියවැඩියාව රෝගය නිසා කාන්තාවන්ට සහ පිරිමින්ට පහත සඳහන් වන ආකාරයන්ගෙන් බලපෑම් ඇති වනවා.

කාන්තාවන්ට ඇතිවන බලපෑම
දියවැඩියාව රෝගය නිසා කාන්තාවන්ගේ ස්නායු වලට බලපෑමක් ඇතිවී ලිංගික උත්තේජනය ලබා ගැනීමේ හැකියාව පහව යවනවා.

මේ තත්වය නිසා සංසර්ගය සිදු කරන විට කාන්තාවකගේ යෝනියෙන් වෑස්සෙන තරලයන් වෑස්සීම සීමාවී වේදනාවක් ඇති කර සුරාන්තයට පත්වීමට ඇති අවස්ථාව දුරු කරනවා. ආර්තවාභාවය අතර තුල පසුවන කාන්තාවකට දියවැඩියාව ඇති වුව හොත් එම කාන්තාවගේ රිධිරයේ සීනි මට්ටමේ ක්‍ෂණික වෙනස් කමක් සිදු වන්නට පුළුවන්. මේ නිසා එම කාන්තාවගේ ලිංගික සෞඛ්‍යයට දැඩි හානියක් සිදු වන්නට ඉඩ තිබෙනවා. එවන් කාන්තාවක් ලිංගිකව එක්වීමට පෙර රුධිර පරීක්ෂාවක් සිදු කිරීමයි වඩාත් සුදුසු වන්නේ.

ඒ, මෙවන් තත්වයක් යටතේ සිටින කාන්තාවක් ලිංගිකව එක්වීමේ දී රුධිරයේ සීනි මට්ටම වඩා අඩු අගයක් ගන්නා නිසා ලිංගික එක්වීම මගින් සතුටට වඩා වේදනාවක් දැනෙන නිසයි. ඒ වගේම, මෙවන් කාන්තාවකට ලිංගික සංසර්ගය මගින් දැඩි අපහසුවක් ඇති කරවන “thrush”, “cystitis” සහ මුත්‍රා මාර්ගයේ ඇතිවන ආසාදන වැනි විවිධ ආසාදන තත්වයන් ඇතිවීමේ වැඩි අවදානමක් තිබෙනවා.

පිරිමි පුද්ගලයින්ට ඇතිවන බලපෑම
දියවැඩියාව ඇති පිරිමි පුද්ගලයින්ට නිතරම වාගේ ඇති වන්නේ තම ලිංගික කාර්යය නිසි ලෙස සිදු කිරීමට නොහැකි වන පරිදි “testosterone” හෝමෝන මට්ටම පහළ වැටීමයි. කෙසේ වෙතත් දියවැඩියාව ඇති පිරිමි පුද්ගලයින්ට ප්‍රධාන වශයෙන් ඇතිවන ලිංගික සෞඛ්‍යය ගැටළුව වන්නේ ශිෂ්ණය නිසි පරිදි ප්‍රාණවත් නොවීමයි. පුරුෂයෙකුගේ ශිෂ්ණය නිසි පරිදි ප්‍රාණවත් වන්නට නම් ශිෂ්ණයට නිසි පරිදි රුධිර සැපයුමක් අවශ්‍ය වනවා. දියවැඩියාව මගින් රුධිර නාලිකා වලට හානි සිදු කිරීම නිසා ශිෂ්ණයට ලැබිය යුතු නිසි රුධිර ප්‍රමාණය නොලැබී යාමත් ස්නායු වලට හානි සිදු වීම නිසා ශිෂ්ණය සහ මොළය අතර ඇති සන්නිවේදනය අවහිර වීමත් සිදු වනවා. මේ නිසා දියවැඩියාව ඇති අයෙකුට ශිෂ්ණය ප්‍රාණවත් කර ගැනීම තරමක් අසීරු ක්‍රියාවක් වනවා.

කාන්තාවන්ට සහ පිරිමින්ට පොදුවේ ඇතිවන බලපෑම
දියවැඩියාවෙන් පීඩා විඳින පුද්ගලයින්ට නිතර වෙහෙස ඇති වනවා. දියවැඩියාව ඇති පුද්ගලයින්ට වෛද්‍ය උපදෙස් මත ඉන්සියුලින් එන්නත තමා විසින්ම ලබා ගැනීමට අවසරදී තිබෙනවා. එමගින් රුධිරයේ ඉන්සියුලින් අගය වැඩි කර රුධිරයේ සීනි මට්ටම පාලනය කර ලිංගික සෞඛ්‍යයත් තරමක් දුරට වර්ධනය කර ගන්නට පුළුවන්.

මීට, අමතරව දියවැඩියාව ඇති පුද්ගලයින් හට ලිංගික සෞඛ්‍යය බිඳ වට්ටන මානසික වශයෙන් විවිධ බලපෑම් ඇති වනවා.
එවන් උදාහරණ කිහපයක් :

තමා පිළිබඳ ඇතිවන අවතක්සේරුව

කාංසාව, ශරීරයේ බර වැඩිවීම, විෂාදය, සිත හුදකලා වීම, තනිකමක් දැනීම, ආත්මාභිමානය ගිලිහීම

දියවැඩියාව රෝගය ඇතිවීම නිසා ඇතිවන විවිධ මානසික ආභාදයන් වලට සුවය ලබා ගැනීම සඳහා “selective serotonin reuptake inhibitors (SSRIs)” වැනි “Prozac” සහ “Zoloft” ඖෂධ තිබෙනවා.

දියවැඩියා රෝගීන්ගේ ලිංගික ක්‍රියාකාරීත්වය වර්ධනය කිරීම සඳහා ඇති ප්‍රතිකාර ක්‍රම

මේ සඳහා ප්‍රධානතම ප්‍රතිකාර ක්‍රමය වන්නේ රුධිරයේ සීනි මට්ටම පාලනය කිරීම මගින් ස්නායු ආභාද ඇතිවීම වළක්වා ගැනීමයි. මේ සඳහා සිදු කල හැකි දෑ වන්නේ දිනාපතා ඉන්සියුලින් ලබා ගැනීම, රුධිරයේ ග්ලූකොස් මට්ටම පාලනය කිරීම වැනි දෑයි.

පිරිමි පුද්ගලයින් සඳහා සිදු කල හැකි ප්‍රතිකාර ක්‍රම
දියවැඩියා රෝගය නිසා ශිෂ්ණය නිසි පරිදි ප්‍රාණවත් නොවන පිරිමින් සඳහා වෛද්‍යවරු විසින් “Viagra” සහ “Cialis” වැනි ඖෂධ නිර්දේශ කරනු ලබනවා. කෙසේ වෙතත් මෙවන් ඖෂධ සෑම අයෙකුටම සුදුසු වන්නේ නෑ. (විශේෂයෙන්ම අධි රුධිර පීඩනය සහ හදවත් රෝග ඇති පුද්ගලයින්ට)

ඇතැම් පුද්ගලයින් මෙවන් ඖෂධ භාවිතා කරන අතර වාරයේ සමහරුන් වැකුම් පොම්ප “vacuum pumps” සහ ශිෂ්ණයට එන්නත් කරනු ලබන එන්නත් ආදිය භාවිතයෙන් ඵලදායීතාවය වර්ධනය කර ගනු ලබනවා. ඒ වගේම, ඇතැමුන් “penile implant” වැනි සැත්කම් වලට භාජනය වීම මගිනුත් ශිෂ්ණයේ ප්‍රාණවත් භාවය නැවත ලබාගන්නවා.

කාන්තාවන් සඳහා සිදු කල හැකි ප්‍රතිකාර ක්‍රම
කාන්තාවන් ලිංගිකව එක්වීමට පෙර යම් ලිහිස්සි ද්‍රාවණයක් යෝනි මාර්ගයේ තවරා ගන්නවා නම් සංසර්ගයේදී ඇති වන වේදනාව තරමක් දුරට දුරු කර වින්දනයක් ලබන්නට පුළුවන්. මෙවන් ද්‍රාවණයන් අන්තර්ජාලයෙන් පවා පහසුවෙන් මිලදී ගන්නට පුළුවන්.

හෝමෝන ලබාදීම මගින් සිදු කරනු ලබන ප්‍රතිකාර
කාන්තාවන්ගේ මෙන් පිරිමින්ගේ ද ලිංගික හැකියාව නැවත වර්ධනය කරන සාර්ථක ක්‍රමවේදයක් තමයි මේ හෝමෝන ලබාදීම. කෙසේ වෙතත් මෙමගින් විවිධ අතුරු ආභාද ඇතිවීමට හැකියාව ඇති නිසා මෙවන් ප්‍රතිකාර ක්‍රම වෛද්‍යවරුන්ගේ අනුමැතිය ඇතිව සිදු කල යුතු වනවා.

නැතිවී ගිය ලිංගික ක්‍රියාශීලීත්වය වර්ධනයට ජීවන රටාවේ සිදු කරනු ලබන වෙනස්කම්
දියවැඩියාව ඇති කාන්තාවන් සහ පිරිමින් සෞඛ්‍යය සම්පන්න ජීවන රටාවකට හුරුවීම මගින් නැවතත් ලිංගික ක්‍රියාශීලී බවක් වර්ධනය කර ගන්නට පුළුවන්. දිනපතා සෞඛ්‍යයට හිතකර ආහාර ලබා ගන්න ඒ වගේම, ව්‍යායාම වලත් නිරත වන්න. තරබාරු පුද්ගලයෙකු දියවැඩියා රෝගයෙන් පීඩා විඳිනවා නම් තරබාරු භාවය අඩු කර ගැනීම මගිනුත් ලිංගික ජීවිතය වර්ධනය කර ගන්නට පුළුවන්.

Kegel ව්‍යායාම
කාන්තාවන් විසින් මෙම ව්‍යායාමය සිදු කිරීම මගින් ලිංගික ක්‍රියාකාරීත්වය වර්ධනය කර ගන්නට පුළුවන්.
පහත සඳහන් වන පියවරයන් අනුගමනය කර “Kegel” ව්‍යායාම සිදු කර ශ්‍රෝණි මාංශ පේශී වර්ධනය කර ගන්න:

ඔබ මුත්‍රා කරන විට මුත්‍රා කිරීම නතර කරන්නට උත්සහා කරන්න. එහි දී උපකාර වන මාංශ පේශී ශ්‍රෝණි මාංශ පේශී ලෙස හඳුන්වනු ලබනවා. නැත්නම් ඔබේ එක් ඇඟිල්ලක් යෝනිය තුලට දමා එම ඇඟිල්ලෙන් යෝනිය තුල ඇති මාංශ පේශී මිරිකන්න. (මෙම ආකාර දෙකෙන් ඔබට ශ්‍රෝණි මාංශ පේශී හඳුනා ගන්නට පුළුවන්)

ඊළඟ පියවර ලෙස මෙම මාංශපේශී තප්පර තුනක කාලයක් තද කර තබා ගෙන තප්පර තුනක කාලයක් ලිහිල් කර ගන්න. මේ ආකාරයට මෙම ව්‍යායාමය නොනවත්වා දස වතාවක් සිදු කරන්න. දිනකට දෙවතාවක් මෙම ව්‍යායාමය සිදු කර ඉහත සඳහන් කල තප්පර තුනේ කාලය තප්පර පහ දක්වා දික් කරන්න.

පිරිමි පුද්ගලයින්ට පවා මෙම “Kegel” ව්‍යායාමය සිදු කර ලිංගික හැකියාව වර්ධනය කර සුරාන්තයට පත්වීම් පවා දිගු කර ගන්නට පුළුවන්. දියවැඩියා රෝගියෙකුගේ මානසික ආතතිය දුරු කර ගැනීම සඳහා භාවනා සිදු කිරීම, පොත් පත් කියවීම, යෝගා අභ්‍යාසය වල යෙදීම වැනි කාර්යයන් සිදු කර මානසික ආතතිය දුරු කර ගැනීම වඩාත් වැදගත් වනවා. අවවාදයයි: මෙම ලිපියේ විවිධ ප්‍රතිකාරක්‍රමයන් පිළිබඳ සඳහන් වුවත් ඔබට දියවැඩියා රෝගයෙන් ලිංගික අකර්මන්‍යතාවයක් ඇතිවී තිබෙනවා නම් ප්‍රථමයෙන්ම වෛද්‍ය උපදෙස් ලබා ගැනීමයි සුදුසුම ක්‍රියාව වන්නේ.

අන්තර්ජාලය ඇසුරෙනි

Sunday, October 21, 2018

ලිංගික උද්දීපනය පිළිබඳව හරියටම දැනගන්න

කාන්තාවකට සහ පිරිමියකුට ලිංගිකව එක්වීම සඳහා හැගීමක් මතුවන්නේ ඔවුනොවුන් අතර මතුවන සිතුවිලි අනුවය. නිරෝගී කාන්තාවකට සහ පිරිමියකුට වුව ඒ සඳහා සිතුවිලි පහළ නොවේ නම් ලිංගිකව එක්වීම සඳහා හැගීමක් මතුවන්නේ නැත.

ලිංගිකව එක්වීම සඳහා කාන්තාවට සහ පිරිමියාට සිතුවිලි පහළ වූ විට මතුවන හැගීම්වලට අනුව ලිංගික උත්තේජනයක් සිදුවේ. මෙම උත්තේජනය කාන්තාවට සහ පිරිමියාට ඇතිවන ආකාරය තුළ වෙනස්කම් පවතී.

කාන්තාවන්ට සහ පිරිමින්ට ලිංගික උත්තේජනයක් සඳහා මානසික මෙන්ම කායික සාධක ද බලපායි. කෙසේ වෙතත් කාන්තාවන්ට ලිංගික ආශාව මෙන්ම ලිංගික උත්තේජනය සඳහා මානසික සාධක වල බල පෑම වැඩිය.
නිරෝගී කාන්තාවකගේ සහ පිරිමියකුගේ ලිංගික උත්තේජනය සිදුවන ආකාරය නිවැරදිව හඳුනා ගැනීම වැදගත්ය.

මෙම වෙනස්කම් නිසිලෙස හඳුනා නොගැනීම නිසා කාන්තාවන් සහ පිරිමින් අතර ලිංගික ගැටලූ මෙන්ම අසහනකාරී තත්ත්වයන් ඇති විය හැකිය.

කාන්තාවකට ලිංගික උත්තේජනයක් ඇතිවීම

කාන්තාවකට ලිංගික උත්තේජනයක් ඇතිවීමේදී ඇයගේ ඔසප් චක‍්‍රය ද බලපායි. බොහෝ කාන්තාවන්ට ඩිම්බයක් පිටවීමට ආසන්න කාලයේදී ලිංගික ආශාව වැඩිවේ. මෙය සාමාන්‍යයෙන් ඇතිවන්නේ ඔසප් චක‍්‍රයේ මැද කාලයේදීය.

ගැබ් ගැනීමකදී, දරු ප‍්‍රසූතියෙන් පසු මව්කිරි දෙන කාලයේදී, ආර්ථවහරණයෙන් පසු, යම්කිසි මානසික පීඩාවකින් පෙළෙනවිට සහ රෝගී තත්ත්වයකදී හෝමෝනවල සිදුවන වෙනස්කම් වලදී දෙදෙනා අතර ඇතිවන ගැටලූවලදීද ලිංගික හැගීම්වල වෙනස්කම් මතුවේ. මීට අමතරව විවිධ රෝග සඳහා ගනු ලබන ඖෂධ නිසා ද ලිංගික හැගීම් වෙනස්වේ. විශේෂයෙන් පවුල් සැලසුම් සඳහා භාවිතා කරන පෙති වර්ග සහ එන්නත් ගනු ලබන විට ලිංගික ආශාවේ වෙනසක් ඇතිවිය හැකිය.

තරුණ වියේදී ලිංගික හැගීම් පහළවීම බහුල අතර මැදිවියට පත්වන විට එය ක‍්‍රම ක‍්‍රමයෙන් අඩු වේ.

කාන්තාවක් ලිංගික උත්තේජනයකට ලක්වීම පියවර හතරකින් දැක්විය හැකිය. පළමු පියවර ඒ සඳහා හැගීම් ඇතිවීමය. දෙවන පියවර ලිංගික ප‍්‍රදේශයේ උත්තේජනයයි. තෙවන පියවර ලිංගික කටයුතු සඳහා පසුබිම සැකසීමය. සිව්වැනි පියවර නැවත සාමාන්‍ය තත්ත්වයට පත්වීමය.

1. පළමු පියවර

කාන්තාවකට මෙන්ම පිරිමියකුටද ලිංගික එක්වීමක් සඳහා හැගීමක් ඇතිවිය යුතුය. එවිට ශාරීරිකව සහ මානසිකව ඒ සඳහා ඇය තුළ සුදානමක් ඇතිවේ.

මෙලෙස ලිංගික හැගීමක් මතුවීම සඳහා පිරිමියකු දැකීම හෝ ස්පර්ශයම අවශ්‍ය නොවේ. මානසිකව ඇතිවූ සිතුවිල්ලක් නිසාද ලිංගික උත්තේජනයක් මතුවිය හැකිය.

කාන්තාවකගේ ලිංගික උත්තේජනයකදී පළමුව දැකිය හැකි ලක්ෂණය වනුයේ ඇයගේ පියයුරු උත්තේජනය වීමයි. ඉන්පසු තනපුඩු ප‍්‍රාණවත් වේ. මෙම ලක්ෂණ මතුවීමත් සමÛ ඇයගේ ලිංගික ප‍්‍රදේශයට ගමන් කරන රුධිර ප‍්‍රමාණය වැඩිවේ. ඒ අනුව එම ප‍්‍රදේශයේ ක‍්‍රියාකාරිත්වය ඉහළ යයි.

මෙහිදී ඉතා ඉක්මනින් දැකිය හැකි ලක්ෂණයක් වනුයේ යෝනි ප‍්‍රදේශය තෙත්වීමය. එය ලිංගික උත්තේජනයක් ඇති වී තත්පර 30 ක් වැනි කෙටි කාලයකදී සිදුවිය හැකිය.

2. දෙවැනි පියවර

ප‍්‍රාණවත් භාවයට පත්වූ ලිංගික ප‍්‍රදේශය සක‍්‍රීය බව යම් පසුබෑමකට ලක්වූවා වැනි ලක්ෂණ මතුවේ. ලිංගික උත්තේජනය අප‍්‍රාණික වූවා ලෙස ඇතැම් දෙනා එය සිතති. මෙය වැරදි ආකල්පයකි. සිදුවී ඇත්තේ ලිංගික උත්තේජනය අප‍්‍රාණිකවීමක් නොව ලිංගික කටයුතු සඳහා අවශ්‍ය පසුබිම සැකසීමය. එනම් ලිංගිකව හැසිරීම සඳහා අවශ්‍ය කාලය උදාවී තිබීමය.

3. තෙවැනි පියවර

ලිංගිකව හැසිරීම් කාලය තීරණය වන්නේ එකිනෙකාගේ ශාරීරික හා මානසික තත්ත්වය මතය. කෙසේ වෙතත් ලිංගිකව හැසිරීමේදී කාන්තාවට මානසිකව ඇතිවන උපරිම තත්ත්වය සුරතාන්තයට පත්වීම ලෙස හඳුන්වනු ලබයි.

සුරතාන්තයේදී ඇයගේ යෝනි ප‍්‍රදේශයේ මාංශපේශි සංකෝචනයවීම ඇතිවේ. එය යෝනි ප‍්‍රදේශයෙන් පටන්ගෙන කකුල් අත් පා උදරය ප‍්‍රදේශය දක්වා පැතිර යා හැකිය.

මේ අවස්ථාවේදී කාන්තාවගේ රුධිර පීඩනය වැඩි වේ. හෘද ස්පන්දනය ඉහළ යයි. හුස්ම ගැනීම වේගවත්වේ. ගැඹුරු හුස්ම ගැනීමක් ඇතිවේ.

සාමාන්‍යයෙන් සුරතාන්තයට පත්වීමෙන් පසු ඇයගේ ඇති වූ ලිංගික උත්තේජනය ක‍්‍රම ක‍්‍රමයෙන් පහව ගොස් සාමාන්‍ය තත්ත්වයට පත් වේ. නමුත් ඇය තුළ මතුවන හැගීම අනුව සහ ලිංගික ක‍්‍රියාවේ ස්වභාවය අනුව නැවත වරක් ඇය සුරතාන්තයට පත්විය හැකිය. එසේම ලිංගික ක‍්‍රියාවේ තවදුරටත් යෙදීමේ හැකියාවද පවතී. මෙය පිරිමියාගේත්, කාන්තාවගේත් ලිංගික උත්තේජනයේ දැකිය හැකි වෙනසකි.

කාන්තාව සුරතාන්තයට පත්වූ විට ඇයගේ යෝනි මාර්ගයෙන් පිටවන තරලය වැඩිවේ. ඇතැම් කාන්තාවනට මුත‍්‍රා සුළු ප‍්‍රමාණයක්ද පිට වේ. මෙය අනිවාර්යයෙන්ම සිදුවන හෝ සිදුවිය යුතු දෙයක් නොවේ.

4. සිව්වැනි පියවර

සුරතාන්තයෙන් පසු කාන්තාවගේ ලිංගික ප‍්‍රදේශයේ ඉහිල්වූ මාංශ පේශි සහ රුධිර පීඩනය සාමාන්‍ය තත්ත්වයට පත්වීම ආරම්භ වේ.

මෙලෙස කාන්තාව සාමාන්‍ය තත්ත්වයට පත්වීම ඉතා ඉක්මනින් සිදුවන්නේ සුරතාන්තයට පත් වූ පසුය.

සුරතාන්තයට පත් නොවී ලිංගික කටයුතු අවසන් කරනවිට ඇයට සාමාන්‍ය තත්ත්වයට පත්වීම සඳහා වැඩි කාලයක් ගත වේ. මෙය නිතර නිතර පැවතීමෙන් කාන්තාවට ලිංගිකව එක්වීමේදී සහ ඉන්පසු වේදනාකාරී බවක් ඇතිවිය හැකිය.

අන්තර්ජාලය ඇසුරෙනි.

රණවරා ඔබ දිනපතා පාවිච්චි කරනවා නම් ඔබගේ ලේ පිරිසිදු වීම නිසා ඔබගේ ශරීරය පැහැපත් කර ගැනිමට මෙම වටිනා ඔසුව ට හැකියාව තිබේ

ගොඩක් දෙනක් සම පැහැපත් කර ගන්නවට වඩා සුදු කර ගන්න හරියට මහන්සි වෙනවා. එත් විවිධ ආලේපන නිතරම ආලේප කිරීම නිසා සමට වෙන්න තියෙන හානිය ඉතා වැඩියි. ඒවායේ ඇති අවදානම හඳුනා ගෙන අහිතකර ආලේපන වලින් මිදිලා ස්වභාවික ආලේපන හා ස්වභාවික දෑ මඟින් ශරීරයට අවශ්‍ය අභ්‍යන්තර පෝෂණය ලබා දුන්නොත් ලෙඩ නොවී හැඩ වෙන්න පුළුවන්.

ඒ වගේ සම පැහැපත් කරන්නත් ඔයාව නිරෝගී කරන්නත් පුළුවන් ඖෂධිය ගුණ අතින් ඉතා ඉහල පානයක් තමයි රණවරා කියන්නේ. ඒ වගේම අතීතයේ ඉඳලම දේශීය ආයූර්වේදයේ නැතුවම බැරි ඖෂධයක්. ලංකාවේ විශේෂයෙන් වියලි කලාපයේ ඉතා හොඳින් වැඩෙන ශාකයක්. රණවරා ශාකයේ කඳ, මූල්, මල්, පොතු, කොළ, ඇට ආදී ශාකයේ සියලුම කොටස් ඖෂධිය ගුණයෙන් එක ලෙස වැදගත් වෙනවා.

රණවරා මල් තම්බා තේ වෙනුවට දිනකට දෙවරක් පානය කරන්න පුළුවන් නම් ශරීරයේ ඇති බොහෝ ලෙඩ රෝග වලට ඉතාමත් හොඳ ප්‍රතිකාරයක්. රණවරා මල් තම්බද්දී ඊට කලින් මලේ මැද ඇති රේණු කොටස් තරමක් ඉවත් කර ගැනීමෙන් තිත්ත රස ඇතිවෙන එක නැති කර ගන්න පුළුවන්. එත් තිත්ත රස එක්කම බොන්න පුරුදු වෙන එක තමයි වඩා හොඳ.

රණවරා වල ඇති ඖෂධිය ගුණයන්ට සිරුර සිසිල් කිරීමේ හැකියාව සහ විඩාබර බව දුරු කිරීමට හැකියාව පවතිනවා. ඒ වගේම සිරුර පැහැපත් කිරීමේ ගුණය අතිශයින් ඉහලයි. ඒ වගේම රණවරා පිත, සෙම අවම කරමින් පණු රෝග ආදියටද ගුණ ලබා දෙනවා. ශරීරයේ ඇති වෙන දද, කුෂ්ඨ ඇතුළු චර්ම රෝග අවම කරනවා.

රණවරා ශාකය දියවැඩියා රෝගීන්ට දෙන්න පුළුවන් වටිනා ඖෂධයක්. ඒ වගේම මුඛයේ හට ගන්නා තුවාල සුව කිරීමටත් යොදා ගන්න පුළුවන්. රණවරා මල්, කොළ, මුල් ආදිය තැම්බූ වතුර වලින් තුවාල, කුෂ්ට, දද ආදිය සේදීම මඟින් ඉක්මන් සුවය ලබන්න පුළුවන්. පිරිමින්ගේ ශුක්‍ර වර්ධනයට උපකාරී වීම මෙහි තවත් වැදගත්කමක්. රණවරා ඇට හොඳින් වියලා කුඩු කර තබා ගෙන තේ, කෝපි මෙන් පානය කරන්නත් පුළුවන්. එයින් ඔයාට තියෙන සෞඛ්‍ය ගැටළු රැසක්ම අවම කර ගන්න පුළුවන්.

දිනපතා රණවරා මල්, කොළ තැම්බූ වතුර, රණවරා කැඳ ආදිය පානය, රණවරා කොළ මැල්ලුම ආහාර වේලට එක් කර ගැනීම මඟින් ලේ පිරිසිදු වෙනවා. ඒ මඟින් සම වඩා පැහැපත් වෙනවා.

Spoken English බදුල්ල මුල සිට සරලව ඉගෙන ගන්න Writing skills Spoken skills Listenning skills Speech

Spoken English බදුල්ල මුල සිට සරලව ඉගෙන ගන්න Writing skills Spoken skills Listenning skills Speech skills O/l A/l English Spoken English 1 වසර සිට 13 දක්වා ඉංග්‍රීසි පංති පැවැත් වෙන අතර O/l A/l English අසමත් සිසුන් සඳහා වෙන වෙනම පන්ති වෙ. කන්ඩායම් පන්ති සදහා විමසන්න බදුල්ල අවට පමණි. 0783895796/0711973081